1274 März 11.

Herzog Heinrich IV. bestätigt der Stadt Brieg die Schenkungen des Erbvogtes Wilhelm.

Nos Henricus dei gracia dux Slezie et dominus Wratizlaviensis notum esse volumus universis presentibus et futuris presentem paginam inspecturis, quod Wilhelmus advocatus de Brega nolens esse inmemor salutis eterne in remedium anime sue pro reparatione pontis ultra Oderam omnia macella autorum in civitate Brega situata cum omni utilitate pertinente ad eadem et censum ex ipsis macellis provenientem civibus de Brega omnibus communiter liberaliter dedit, tradidit et donavit perpetuo valituro nostra ad hoc accedente omnimoda voluntate. Et in quocunque ipsa macella et censum exinde provenientem multiplicare et in edificiis amplificare poterint et eciam meliorare, nostram ad hoc prebemus pium assensum et omnimodam voluntatem. Insuper idem Wilhelmus de nostra voluntate omnes denarios juramenti nomine recipiendos, ut amplius nuncquam recipiantur, per aliquem advocatum liberaliter relaxavit et indulsit. In hujus rei testimonium et robur perpetuo valiturum presentes litteras fieri et nostri sigilli munimine jussimus communiri, testibus subnotatis acilicet magistro Ulrico canonico Wratisl., Egidio Jucha, comite Gebhardo Sbiluconis milite nostro, civibus vero de Brega Henrico institore et Hildebrando et aliis pluribus fide dignis; datum per manus Henrici notarii curie nostre. Actum in Curn. a° dom. millesimo ducentesimo septuagesimo quarto in dominica, qua cantatur letare.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.